حاجه تكسف اوى اوى

هييييييييى هو هاهاهاه هوو هووووووووو هى دى اول حاجه عملناها اول ماعرفنا حكايه الكادر والامتحانات للمدرسين صح ولا

ممكن الضحك ده سخريه من المدرس وممكن يكون سخريه من اللى عمل هذا النظام او استهزاءا بعقله وانا من وجهة نظرى ان السبب التانى اصح لان مش من المعقول واحد او ناس عاقلين فىالدنيا يستهزؤن بالمربى الذى لولاه ماكنوا فى هذه المناصب اليس كذلك

لمجرد ان يزيدوا له المرتب ملاليم لا اكثر صح ولا لا !وياريت يكون امتحان منطقى لا ده معظمه مايتجوبش عليه والمدرسين قاعدين جمب بعض يعنى بمعنى اصح كووووووووووووووووووووووووسه او سلطه وفى الاخر يكون عدد الناجحين متحدد قبل الامتحنات على مااعتقد

طب موقف المدرسين ايه من الموضوع ده ؟ غير انهم مسكو المذكرات والقلم الرصاص غلشان يذاكروا ويجيبوا اولادهم يسمعوا لهم بدل ماكان العكس ولو لقدر الله سقط المدرس تبقى فضيحه فى بيته بدل مايقول لاولاده كده عيب ولا يافشله ولا ياساقطين ................ هل يستطيع المدرس ان يرفع عينه فى عين اولاده مره اخرى ولا وهو رايح اللجنه اولاده يتريقوا عليه يقولوله يابابا ولا ياماما اجبلك عصير وسندوتش واجى وراكى ولا اقفلك فى الفسحد ولا المرواح علشان اطمن عليك بالله عليك ايه قولك فى هذاه الفضيحه الذى لحقت بمربى اللاجيال

بعض التعليقات المختاره من جريده المصرى اليوم

الدولة مش كدرة غير على المدرسين الغلابة فى كادر المعلمين

فين العدل وفين النظام وفين وفين .. ربنا ينتقم منك يا اللي كنت السبب

انا مدرس امتحنت الكادر الخاص امتثالا للاوامر فوجدت انه مهزلة بكل المقاييس واهدار للمال العام واهانة للمعلم اننى منذ امتحنت وانا اشعر بخيبة امل وحسرة لقد اهانونا أمام العالم كله وضيعوا ما تبقى من هيبة المعلم المصرى لماذا يمتحنوننا ونحن مازلنا ننتج للمجتمع الطبيب والمهندس والعالم لكن ماذا أنتجت الوزارة سوى هدم ودمار للعملية التعليمية اذا من الذى يجب ان يمتحن ومن الذى سيرسب بجدارة

لو المدرس سقط فى امتحان الكادر النتيجة اية ؟ هيمنعوا المدرس من التدريس ؟ لا هيمنعوا عنه فلوس المرحلة الثانية . يعنى الغرض الاساسى من الامتحان حجة ووسيلة لعدم صرف فلوس الكادر مش رفع المستوى العلمى للمعلم . اللى هو المفروض الهدف الاساسى من الامتحان والكادر

اللى دخلوا الأمتحان حال لسانهم يقول: من أجل إختبارالكادر نبيع الكرامة.. ولا نسمع كلام حد ولا نسمع ملامة.. العيشة فل مع إختبار الذل.. سيبك سيبك من الشعارات .. وعيش فى ذل الاختبارات ..

الحقيقة دخلت أمتحن في ثلاثة مواد مش عارف ازاي يجتمعو مع بعض لقيت اسئلة غريبة حتى في مادة التخصص لقيت حاجة تاني خالص غير اللي اتعلمته مع اني من المتفوقيين دايما و امتحنت اكتر من مرة في التخصص و طلعت من الاوائل مش عارف المرة دي حسيت ان اللي وضع الاسئلة مش فاهم حاجة عن اللي بندرسه و لا انا و كل زملائي اللي مش فاهمين . الله لا يسامحكم

يااخوتي المعلمين لاتظلموا الوزير فهو اداه تحركها سياسة الدوله.فاين مبارك من صرخات المدرسين؟!وهل هو في وادي ونحن في وادي اخر؟!و.........فحاسبوا رئيسكم اولا ومستشاريه على هذه السياسه ال...............


من اهين فى كرامتة لية يعيش ولى عندة كرامة يدوس على لقمة العيش من غير كرامة ولكــــــــن انتم اللذين فعلتم ذلك فى انفسكم لـــــــو تعملو زى عمال المحلة ورجالتها كانو عمللكم الف حساب لكن انتم اتضيتو الذل والهوان من لحظة موافقتكم على اسلوب مراقبة الثانوية العامة

كله بيضحك على كله




لازم كنا نبص لابعد من كده ايه هيكون شكل المعلم امام الطلبة لما يعرفوا ان مدرسهم ساقط



الى كل من علمونا...والى كل الشرفاء فى البلد وهم كثير.السؤال من اجل من يهان الكبار مرعليهم10او15او20 او30سنة وبعدكده تكون الاهانة كان ممكن يكون الامتحان للمدرس الممارس...وفى تخصصه وبلاش كلمة تربوى حيث ان التعامل والتحكم فى ادارةالفصل اصبح فى دمائنا جميعا..هو مفيش تربه اجتماعية ورائد فصل وندوات وفلوس بالملاييييين...وسلملى على الاحبابوقول لهم معلش احنا هنربط مع العيال نقول لهم الى يطلع وزير يعمل ايه..ابومعاذ

يا خبتى يا........................




للاسف وليه الاسف اذا كانت الحكومه عاوزة كدة تحرق دم المدرسين والوزير ربنه يكرمه واقف ضد المدرسين يا جماعه مهما ادنا فى مالطه الا عاوزينه حيعملوة من امته الدوله بتهتم برعاياها لو ربنا ياخد الوزارة وكل المسئولين كنا فرحنا مش عارف كانوا فين وقت الحريق حسبيى الله ونعم الوكيل

الغش ياسيدي بالمحمول في اللجان - الامتحانات تعجيزية - الوقت غير كافي - الاسئلة معادة ومكررة في المهارات اللغوية والتربوي


الأخوة الأفاضل المربين والمعلمين لماذا تخشون من الإختبار ؟ جميع الوظائف والكوادر لا تترقى الا بإختبار تقييم الكفاءة بدلا من تقديم الهدايا والرشاوي لبعض الموجهين والمديرين !!! فاقد الشيء لا يعطيه لذا يجب أن يكون المعلم قدوة ويخضع للإختبار في أي زمان ومكان وكفى مانراه من سوء وتدني في مستوى التربية والتعليم الله يهديكم

أشكر الدكتور يسرى الجمل على مافعل وما يفعل فلقدكشف لنا أن نظام التعليم فاسد فاشل لوزارة فاسدة فاشلة وان الهدف من اختبارات الكادر هو تعجيز المدرسين والمدرسات لعدم وجود ميزانية سواء للكادر او لاى شيئ اخر والسلام

اللى يعيش ياما يشوف

مش فاهمة هو المدرس بياخد كام علشان يعملوا فيه كل دة ولسة اللى يعيش ياما يشوف ياترى بكرة مخبى لينا ايه تانى ،سترك يارب




رجاء ان يامر الريس بان يختبر الوزير فى ثلاث مجالات فقط وهى اللغه العربية والمهارات التربوية وتخصص سيادتة. لان من غير المعقول ان الوزير ياخذ فلوس على الفاضى لان بالاضافة لمرتبة المحترم فهو ومستشاري الوزارة في عز من كنترولات الثانوي العامة و الفنية وقطاع الكتب و طبعا النتيجة معروفة في اول تغير وزاري

السيد الوزير المساواة فـي الظلم عدل لذلك يجب ان تؤدي امتحان الكادر معنا واشك لو فيه عدالة انك لن تنجح فـي امتحان الذل والمهانة


الوزير عامل مسابقه من سيربح الكادر..يعني مطلوب من كل المدرسين يكونوا علماءيعرفوا الاعراب و اخوات ان و اخوات كان أي كان تخصصهم ...ده لو قال فيه امتحان في الكمبيوتر يبقى مبلوعه لكن ايه علاقه مدرس الانجليزي بالاعراب و يفيده بايه في مادته؟؟ ترى من منا سيربح الكادر؟؟؟

بعد دخول المدرسين لاختبارت الكادر كم تتوقع أن يساوي أجرهم طوال فترة عملهم حتي الممات ؟ ( أ ) أجر حفلة لعمرو دياب (ب) أجر حفلة للراقصة دينا (جـ) أجر فيلم لعادل إمام (د ) أجر مسرحية لسمير غانم

قالوا ..الغش كان بالجملة ناهيك عن الطريقة التى عرفنا بها ارقام اللجان من تدافع بين المدرسين والمدرسات لمعرفة اماكن وارقام اللجان وما بعد ذلك الاخوة المراقبين واللى هم اداريين فى المدارس وبعض الكليات وما بدر منهم من سلوك تجاه بعض المدرسين من الشخط والنتر وسحب اوراق الاجابة من الممتحن ونعته بافظع الالفاظ علما.. السؤال ليه الامتحان لما الموضوع هو تحصيل والكل بيغش على مرأى ومسمع من المراقبين ولو رسب المعلم حيحصل ايه برضه هو اللى حيدرس نفس المادة 00000 وسلملى على الكادر..

اللى دخلوا الأمتحان حال لسانهم يقول: من أجل إختبارالكادر نبيع الكرامة.. ولا نسمع كلام حد ولا نسمع ملامة.. العيشة فل مع إختبار الذل.. سيبك سيبك من الشعارات .. وعيش فى ذل الاختبارات ..

الكادر من أجل حفنة حديد.


بئست المهانة والا ستهانة هى و لاعذر للسادة المدرسين المهانين فلن نلتمس لهم عذرا الضعفاء الذين دخلوا الامتحانات وهؤلاء نقول لهم كونوا مع إخوانكم ولا تبحثوا عن أجر زهيد وراءه ذل أكيد ومهانة لا تفيد.. ولا انتم فى مصر أكيد .. وتدوسوا على كرامتكم من أجل حفنة حديد..

يبقى أنت أكيد فى مصر

قال أحد الزملاء :رأيت بعينى لاننى معلم ذهبت الى الامتحان وكانت المفاجاة ان الامتحان كان الهدف منة هو تدريب المعلمين الشرفاء على الغش الجماعى حيث ان اللجان غير مرقمة اى ان كل مجموعة من المدرسين يجلسون بجوار بعضهم ويختارو نموذج موحد ثم تبدأ المدولات ثم الاتفاق على اجابة هذا هو تطوير التعليم الذى يقصدة الوزير.. وأنا أرى إن الوزارة معذورة ومن حقها تزود نسبة النجاح ولو بالتزوير .. ويبقى أنت أكيد فى مصر..

كاتبه الموضوع:3ashkat al 7riaa

الصور :جريده المصرى اليوم

التعليقات :المصرى اليوم