حدث فى هذا اليوم وياريته ماحدث

هالنهارده صحيت الصبح عادى خالص وبعدين كان عندى درسين فى منطقه القوميه
فاكيد بعدى على المفارق القديمه وبنزايون لحد مدرسه الناصرية
وانا ماشيه كان الجو هادئ وحركه المرور عاديه جدا ورجال المرور قايمين بدورهم على اكمل وجه
واعتقد انه هو هذا الهدوء الذى يسبق العاصفة
وانا راجعه الساعه واحده ونصف كده مشيت من الشارع المقابل لمدرسه الناصريه لقيت حركه غريبه اوى ولاقيت رجال مرور كتييير واقفين متجمعين وزعيق هنا وهناك
طبعا ماكنتش فاهمه حاجه دنتنى ماشيه لعلى افهم حاجه......
وظابط مرور عمال يوقف العربيات اللى راحه على طريق موقف المنصوره ويقوله حود ياعم مش تدمرنا !وحطوا على كل شارع امين شرطه
وبعدين كان فى امين شرطه كان معدى من ورايا وحد سأله هو فيه ايه ؟قال ده الريس جاى ياعم ومشيت قدام شويه لقيت امين شرطه تانى فى ناس شكلهم بيقول انهم فلاحين او صعايده وسالوا امين الشرطه نفس السوال اللى فات رايح قايل ده ده وزير جاى يا حاجه! راحت الحاجه قايله الله يقطعه هو اللى معاه ويقطع كمان......... *لا يفهمونا غلط لسمح الله *وبعدين لقيت عربيتين من اللي هم بيشيلوا العربيات المخالفه وعمالين ينادوا على العربيه كذا الى واقف فى المكان كذا بميكرفون عالى والناس يعينى عماله تجرى علشان تشيل عربييتها يعنى اللى نايم تعبان يقوموه من النوم علشان الريس او الوزير جاى (لا حظتم ان حتى امناء الشرطه بيشتغلوا ومش عارفين مين اللى جاى) وطبعا معدش فى ولا عربيه واقفه وكان الدنيا شقلبان بس للاسف مش حضرت اللى هايجى لانى تاخرت على البيت وروحت وفى البيت وبعدين اخوى قالى ان احمد عز وسوزان وجمال مبارك جايين !
واللى يغيظ واللى ينرفز ان المكان فضى فى اقل من نصف ساعه واناراحه بقى الدرس التانى الساعه 4 لاقيت عربيات كتيره واقفه عادى فى المكان فى اللى كان واقفين فيه قبل (الكبسه) والحركه بقت عاديه جدا وكان شئ لم يكن ورجال المرور اتصفصفوا على واحد او اتنين

سبحان مغير الاحواااااال

الرجاء ترك الرساله بعد سماع الصفاره تييييت *قصدى*الرجاء ترك تعليق بعد قراءة الموضوع

لا تنسوا ذكر الله