عاييزين نتغير بجد...بس ازااى

كلنا اتفقنا ان احنا نتغير وده ظهر فى البوستات اللى فاتت لبعض المدونيين وعجبنى اوى روح التفائل والامل ان الناس عايزه تتغير بجد

بس ازااااااااااااااااى؟؟؟
انا جربت شويه حاجات ونجحت بعض الشئ فقلت لازم اقولهالكوا لعلى وعسى حد يستفااد منها

1-النيه

لان النيا هى اساس اى حاجه وهى بداية الطريق(انوى ان انا خلااص هاتغير بجد)

2-الهدف

انا عايز اتغيير لييه:

عشان ربنا يرضى عنى

عشان اكون صاحب النبى فى الجنه

عشاان اعيش حياه فيها سعادة حقيقيه

عشان اعرف اختاار ناس صح

(كل واحد وهدفه بقى هه)

3- الدعااء

ادعى فى كل وقت (مش فى الصلاه بس) ان ربنا يهديك ويقدرك بجد على انك تتغير

(ربنا بيحب العبد اللححووح فى الدعاء)

(وقال ربى ادعونى استجب لكم)

(وتابعوا قراءة الاذكار بس اللى هى فيها فضل الذكر)

4- الصلاه

طب ماحنا بنصلى!!

لا انا قصدى صلاه فى مواعيدها

صلاه بجد (خشووع)

*حاول على قد ماتقدر انك تخشع فى الصلاه*

وتدعى فى الصلاه جاااامد وحاول انك تبكى هتلاقى قلبك صفى ونفسك هديت

5-القراَاَن

اقرا قران بجد يعنى حاول انك تتفهم الايات وتفكر فى الايات اللى فيها عذاب وفيها ثواب(حتى ولو ايه واحده فى اليوم)

اسمع لشيخ بتحبه وبتحب صوته *هايحببك اكتر فى القران*

6-بر الوالدين

حاول على قد متقدر انك تصلح علاقتك بيهم وتساعدهم ومش تعمل حاجه تزعلهم

(حط فى دماغك ان رضا الله من رضا الوالد ين وانت هدفك ايييه؟؟)

انا بكل الفخر لو سـالتو ماما وباابا عليا هايقوللكوا خدوها وهاتوا مروحه بدلها هههه(فقط للدعابه)

7-البرامج

تابع برامج دينيه هادفه واهم حاجه يكون لواحد بتحبه عشان تستجيب معاه

_خدعوك فقالوا للاستاذ مصطفى حسنى يوم الجمعه الساعه8بليل والاعادة السبت 12الضهر_

_الطريق الصح للاستاذ معز مسعود يوم الاتنين على المحور(90دقيقه)_

8- النبى

وانت بتعمل اى حاجه فى الدنيا _تاكل تشرب تمشى قاعد على النت _دايما يكون فى سؤال فى دماغك

(لو النبى قابلنى او خبط على بابى دلوقتى هاعمل ايه)

هاروح اقابله وبالاحضان

ولا اغير الطريق واحط وشى فى الارض

ولا لو خبط على بابى هاقفل اى حاجه كنت مشغلها

هاشيل الصور اللى فى البيت

ولا...ولا...ولا....ولا...

9-ربنا

وانت بتعمل برضك اى حاجه دايما يكون فى سؤال فى دماغك

(لو انا رحت لربنا دلوقتى هاعرف ارد علييه)

اللى شاف فيلم (اوقات فراغ)شفتوا الواد وهو بيموت قاال ايه؟؟؟

وهو لسه شاب صغير

*مش الهدف ان احنا مش نتفرج على افلام وخلاص المهم ان احنا نطلع منها بدرس

وفى الفيلم ده طلعت باهم درس فى حياتى

10-الدنيا والاخره

دايما قبل ان تعصى ربنا فكر فى الدنيا وحقارتها واحنا عايشين فيها ليه

واحنا لازم نعمل ايه عشان نكون سعداء فى الاخره

11-الحب بجد

لو انت بتحب حد بجد بجد

مش عاتعمل اى حاجه فى الدنيا عشان ترضيه

وومممكن تغير كليا عشانه

ومابالك بحب ربنا

كلنا بنقول بنحب ربنا..بنحب الرسول

طب ايه الدليل؟؟؟

(لما تتغير بجد هاتعرف ترد)

12- الامل

فى جمله عجبتنى اوى فى مدونة طب ليه كده(لمؤاخذه ياأ\عبد الله)

بتقول:

عارفين اللى بيغرق بيغرق ليه....؟؟
"لانه النقطة الوحيدة اللى بيفكر فيها وقت الغرق والعياذ بالله -اسأل الله العافية-انه بيفكر انه هيموت وبس
عمره مافكر انه هيقاوم الموج ويعرف يثبت نفسه ويطفو على الماء ..."

يعنى ايه : ايه اللى جاب الغرق للتغير!!

يعنى لو انت حاطط فى دماغك انك مش هاتتغير

او هافشل....او مش هاقدر او مش هاعرف اتغير

*بس انت عاوز تتغير*

اقولهالك ...مش هاتتغير

لان مش عندك صبرا.....و ثقه فى نفسك

ديما لو حسيت انك هاتقع....

قول هو النبى قعد كام سنه عشان يستجيب الناس له؟؟؟

اتبهدل اد ايييه عشان يوصل الرساله؟؟؟

وفى الاخر اهو الرسول وصل الرساله واحنا اهوه مسلمين

وبعدين انت مش هتتغير من اول مره ولا التانيه انت ممكن تقعد سنين

بس اهم حاجه مش *تيأس*

"لو انت صارعت تلك الامواج بهدوء وذكاء حقا ستنجو"

انا عارفه انى طولت وكمان ممكن ماكونش وصلت حاجه كمان

بس بعمل اللى بقدر عليه

وامانه على اللى بيحبنى بجد(ان وجد)يدعيلى بجد