من حوالى شهر كده شفت حنة ماتش بس كان جااااامد اوى قعد فتره طوييلة جدا
*لبس الفريق الاول*:الخيانه.. النداله ..الوحشيه .الغباء
*لبس الفريق التانى*:عزة..كرامة..مقاومه
*والحكم *:رؤساء العرب
*الجماهير*العالم كله
الماتش ابتدا جاامد اوى اصل الفريق الاول مستحلف للفريق التانى
والفريق التانى ماعندوش حد يلعب بيه كويس الالعيبةبتعتمد على اللعب النضيف يعنى من غير غدر ولا...ولا...
اما التانى فمعروف عنه الغدر كله
والفريق التانى لعب اول كوره جت فى اللعيب رقم*المدنيين*وبهدلته (اصل الكوره مكانتش زى الكور التانيه كانت من ماده جامده اوى)
والجماهير :اتحرك ياحكم ولا ماشوفتش
الحكم:ياجماعه الفريق الاول هو اللى غلطان
الجماهير:ياعم ركز مش تخلينا نتعصب عليك احنا سكتيين عليك من زماان اوى
الحكم:اللى عايزين تعملوه اعملوه عندك كام حيطه هناك اهه وعندكم نهر النيل بحاله اشربوا براحتكوا
المهم الجماهير سكتت شويه تكمل الفرجه اما الفريق التانى فرد الصاع صاعين وبدأوا يلعبوا هما كمان ودوخوا الفريق الاولانى وراهم
جروهم وراهم لغاايه الفريق الاولانى مانفسه انقطع
يروح الحكم مطلع كارت اصفر للفريق التانى !!وقاله لو ماسكتش ها....
وبعدين دنهم هكذا...... الفريق الاولانى يبهدل فيه كل ده عشان يوصل للمرمى بس االتانىمحافظ على عرينه بكل قوه
مع انه كتيير من افراد الفريق اتبهدلوا بهدله سودا
الفريق الاولانى بيضرب...وهوب الفريق التانى يرد الضربه ...الحكم واقف يتفرج وحاطط ايدوا على خده
الجماهير شاايطه فى المدرجاات نفسها تاكل الحكم بس مش قادره تطوله
وعمالين يقولوا ....ويعيدوا....
ايه ده !!!!الفريق الاولانى بدأ يهتز بس برضك عمال يقول انا مش بهتز ..لا الا لا الفريق الاولانى اتوكس ياجدعان
لالالالالالالا ايه اللى انا شايفه ده ايه اللى اناسامعه ده!!!!الفريق التانى اللعيبه بتاعتة بتزرف دم بس برضك قادره تلعب هما واخدين الباور ده منيين ياجدعاان والجامهير عماله تهتف له حتى اللى كانوا محالفين للفريق الاولانى غيروا رايهم وانضموا للفريق التانى
الجماهير بدأت تنزل الملعب ....مضايقه جدا لى بيحصل... والحكم طردهم بره الملعب خاللص !!!!حتى مش رجعهم مكانهم
فى اخر الماتش....الفريق الاولانى وقف الماتش بمزاجه وفاكر انه كسب
التانى بدأ يلم جراحه ويصبر ويدرب فريقه تاانى
الجماهيير بدأت تهدى وبدأت تساعد التانى عشان يقدر يقف على رجليه من تانى
الحكم مبقاش قادر يرفع وشه من الارض
هو ده اللى حصل فى غزة من وجهة نظرى
14 التعليقات:
ما شاء الله يا مريوم فعلا فعلا موضوع تحفة
و طريقة عرمضه مميزة جدا
بجد ما شاء اله عليكى و على افكارك الجامدة دى
و النولوك الجديد ده بردو ما شاء الله حلو اوى
و تحيااااااااااااااااااتى
سلا
ايه ده ايه ده ايه ده
احنا عندنا مواهب جامدة بقى وانا معرفش
كانت الصورة اللى عرضتى بيها الموضوع جامدة موووووت
فعلا تستحق التقدير
وتحياتى اليكى
وتسلمين
تسلم ايدك اية بس المواضيع التقيلة دى يامعلم انا أول مرة أكتشف المواهب الجامدة دى
بس تيجى للحق..مدونبن كتيييييييييير ومنهم انا كتبنا عن موضوع غزة لكن انتى الوحيدة بجد اللى قدرتى توضحى الصورة بطريقة مبسطة وصح مليووون فى المية
تسلميلى ياجميل وربنا يجعلة فى ميزان حسناتك ياااارب
وتقبلى مرورى
خوخة...
الله يخليكى ياارب ده كله فضل من الله
وشكرا على التعليق
تحيااتى
________________________
ريحانة...
الله يكرمك يااارب والحمد لله ان الموضوع عجبكم
انا قلت هاتطلعوا تجروا وراى
وجزاك الله خيراعلى التعليق
تحياتى
_______________________
نودى ...
ده بعض ما عندكن ياباشا ههههه
لا والله ده كله فضل من الله
وعشان بحبكوا فده طلع بنتيجه حلوه على كتباتى
لأبقى مش هاتقبل مرورك:)رخامه رخامه
ههههه ده ان مش شالتك الارض ...اشيلك على الكرسى :):)
حقاً ما قلتي
فإنها ما بين فريقي الخياة والعزة والكرامة
لكنها لعبة اراقت الدماء وازهقت النفوس..
والحمد لله خرجت غزة منتصرة مرفوعة الراس عالية الهامة تحمل عزتها وكرامة امتها
جزاكي الله خيراً وجعلها الله في ميزان حسناتك
لا تنسوا اخوانكم في غزة من دعائكم
||..بحــر الدموع..||
وبصراحة تحليل ولا اروع
ونقل الصورة للمتابع بطريقة متميزة ومختلفة عن الكل
اضافة بسيطة للرد على البلهاء الذين يقولون ان الفريق التانى"المقاومة" خسر ولم ينتصر
اذا ان الفريق الاول لم يحقق اهدافه فى احراز اهداف فانه لم يكسب المبارة بعد
ونتيجة فشله فانه ...طلع غله فى اللعيبة لكن اللعيبة لم تستسلم ولم تترك الملعب فتخرج فهى اذن منتصرة
بجد المدونه مطورة خالص ورائعه والموضوع اكثر من رائع بجد احنا هنتعلم من تميزاتم هه
تشبيه ممتاز جدا
بارك الله قيكى ياحبيبتى
ودامت غزة بفخر وعزة وكرامة
دمتى بخير ياجميل
بحر الدموع...
جزاك الله خيرا على التعليق وانك جمعتى اللى انا عايزةاقوله فى كلمتين
________
أ\عبد الله حسنى...
ههه لتقولى شوبير ولا اى حد
كويس ان حضرتك متابع معاى التحليل اصله كان كبير اوى وحضرتك كمان ختمته ماهى لازم حد يجى ويضع اللمسه السحرية فى الاخر عشانالماتش يكون طعمه حلو
وكلام حضرتك مظبوط ميه فى الميه وهما فعلا بلهاااء
لانهم مش عاوزين يعترفوا ولو مرةواحده فى حياتهم ان المقاومة صح
واللعيبة هيدنهم فى الدورى لغاية اخر نفس
وجزااك الله خيرا بجد على التعليق
رنا...
جزاك الله خيرا وشكرا انك علقتى عندى
الاء...
ياهلا ياهلا المدونه نووورت
جزاكى الله خيرا على التعليق
وداامت غزه رمز العزه
الله الله
ما شاء الله عليكى يا حبيبتى تحليل للموقف فوق الرائع واسلوبك تحفه جزاكى الله كل خير يارب
دى اول زياره لى فى مدونتك بس باذن الله لن تكون الاخيرا لانها مدونه روعه
تسم ايدك
ايه يا عم يا جامد انت .. ايه اللعب المحترف ده الله ينور هههههههههههه :)
بجد حلو بس هوة كان فى حكم أصلا
من نعمة ربنا أنه هو العدل والحكم فلا حكم لغيره ولا أفضل من شريعته ولذا كل القوانين الوضعية موضوعة وكل الكلمات الرنانة عن الشرعية الدولية "فى الزبالة"
ولذا فالاسلام هو الحل
هو الحق .. هو المنصور بإذن الله
ربنا يكرمك يا عسلوز وينفع بيكى
بحبك .. بحبك ..بحبك3
جزاكم الله خيرا موضوع متميز، بس ليا إضافة.
الفريق الأول طلع من الماتش من غير مايحقق ولا هدف، والجماهير فرحت جدا، ومن الحكام اللى فرح ومنهم اللى زعل، أما الفريق التاني حقق الهدف اللى هوا عايزه وأثبت للجماهير ظلم الفريق الأول وطغيانه وكمان فضح الحكام الخونة وعملاء الفريق الظالم وصحى الجماهير النايمة وده كان أكبر انتصار ليه.
طالبة الفردوس...
الله يكرمك يااااااااارب والله انا زاد ليا الشرف ان حضرتك تزورينا
_________________
خديجه عبد الله...
ايه يادوجه انا اتخضيت هههه قلت هاتيجى تضربينى ههههه
الله يخليكى ياقمروز
بحبك بحبك بحبك بحبك بحبك
(خمسه فى وش العدو)
_______________
رابطه مدونى من اجل فلسطسن...
جزاك الله خيرا وان شاء الله هنتابع معاكم
______________
أ\محمد الشوادفى...
جزاك الله خيرا على التعليق وكمان لاضافتك الجميله
إرسال تعليق