امبارح(الخميس)الساعه اتنين ونصف بالليل
قمت مفزوعه والشبابيك يتتخبط والبيبان...
قمت بسرعه لبست الجاكت وطلعت لاقيت حبات تلج كده بتنزل زى المطر وبرق ورعد جااااااااااااااااااااااااااامد جدااااااااااااااااا
حسيت ان ربنا عاوز يوصل لنا تلت رسالات اذا ماكنوش اكتر
1_الفزعه والخوف لما قمت وصوت الرعد بيخترق ودانى والبرق ضوئه اخترق الشقه!!!
قلت ياااااااااااااااه اخيرا حسينا بجد باللى حصل فى غزه
بس احنا عندنا رعد هما عندهم صواريخ فى عز الليل
واحنا برضك عندنا برق هما عندهم القنابل الفسفوريه (واكيد احنا شوفنا القنابل دى بالليل)
وبرضك حسيت بشعور الاطفال اللى مش بيعرفوا يناموا فى غزه من الاصوات والصواريخ
لأ وكمان احنا عندنا البرق والرعد اللى حصل من غير اثار سلبيه يعنى مافيش حاجه ادمرت ..
بس عندهم ............................................
2_وانا بلبس الجاكيت قلت ياااااااااااااااااااااااااااااااااااااااااه
كام واحد قاعد فى الشارع موش لاقى مكان يحتمى فيه من التلج ده
وكام واحد مش عنده جاكيت يلبسه فى البرد ده و
كام ام واب دمعتهم على عنيهم وهما موش عارفين يحموا ولادهم من الجو ده
*الحمد لله على كل نعمه ربنا ادهالنا
لازم نحمد ربنا ياجماعه بجد احنا فى نعمه موش حسين بيها*
3_المفاجأه اللى حصلت يعنى الجو كان طوول النهار ولغايه بليل نقول عليه ربيعى
ونيحى فجأه نلاقى القلبان اللى فى الجو ده (سبحان الله)
ماكنش يخطر على بال حد انه يحصل كده
غير كده انا فكرت فى حاجه تانيه
العمر ماهواش مضمون
يعنى زى ماربنا قادرانه يقلب الجو فى غمضة عين كده
قادر برضك انه يقبض روحك فى غمضة عين
فأحنا عملنا ايه عشان اَخرتنا يعنى عملنا ايه عشان نجهز نفسنالمقابلة ربنا
(فهمتونى)
13 التعليقات:
اكيد فهمناك يا مريمو لازم كل واحد يشكر ربنا على النعمة اللي هوة فيها لان عدم شكر النعمة من اسباب زوالها
السلام عليكم
أختاه أول شئ بحب أحييكي لشعورك بمصاب أهل غـزة.. فالمصاب جلل
متل ما بقول حكمائنا "اللي إيده في النار مو متل اللي إيده في الماء"
لكنكم بقلوبكم ودعائكم معنا تعيشون
لقد إختارنا الله واصطفانا من بين البشر لنكون على العهد والبيعة ونحن يا ربنا منقادون لقضاءك شاكرين لنعمك صابرين مرابطين عن كرامة الأمة وعزتها مدافعين ..
بارك الله فيكي وجزاكي ربي خير الجزاء
أنتم البقية الباقية من ضمير الأمة
لا تنسوا اخوانكم في غــزة من دعائكم
||..بحــر الدموع..||
حبيبتى مريم
فعلا عندك حق كام واحد مش عنده جاكت يلبسه
جزاك الله خيرا لعى شعورك باهل غزة
و فعلا احنا عملنا ايه نقدر نقابل ربنا بيه؟؟؟؟
ربنايهدينا جميعا ان شاء الله
و تحياتى
موضوع راااااااائع
انى احبك في الله
بجد عندك حق احنا فى نعمة كبيرة اوى
الحمد لله
وبجد اد اييه احنا مقصرين اوى فى حق ربنا
والصراحة انا اتخدييت خدة فظيييعة
اصلنا فى الدور الاخيير ومننا للسما على طوول
حسيت زى مايكوون الحرب قامت ااه والله
والبيت كله قام مفزووع ومش نمنا الا بعد ما المطرة خلصت خااالص
والصراحة انا سعتها بصيت للامر بنظرة تانية
يعنى سألت نفسى هوه ده عقاب من ربنا عشان حال الامة اللى احنا فيها
ولا ده تذكرة من ربنا ليينا بالعذاب
ولا يا ترى ده خيير ربنا بعتهولنا
وبس
وتحياتى اليكى
وتسلمين
بصى يامريم انتى عاوزة الحق وللا ابن
عمة؟؟..الصراحة ياستى انى أصلا أساسا
ماصحيتش من النوم وقت مالدنيا كانت
بتمطر لكن اللى عرفتة بعد ماصحيت ان
البيت كلة صحى وانها كانت ليلة يعنى
المهم بجد يامريم انتى كتاباتك أكتر م
رائعة..يعنى انا مثلا واحدة من الناس
عدى عليا موضوع المطر دة من غير
مافكر فية حتى لكن انتى بجد موهوبة
يعنى مجرد تفكيرك فى انك تعملى بوست عن
المطر دة فى حد زاتة حاجة كويسة جدا
باتمنالك التوفيق دايما
وتحياتى ليكى
وتسلمين
رسايل كلها جميله
ويمكن جت في خاطري
لكن الرساله اللي فهمتها
ان الوقت ده هو وقت صلاة الليل
بجد لازم نحاول نصلي قيام الليل
حتى لو ركعتين
ةجزاكي الله خير على موضوعك الرائع وإيجابيتك ^_^
السلام عليكم
احساسك جميل يا أمل
و الاروع الرسايل اللي استنتجتيها
فعلا لو كل واحد جالوا الاحساس دا ما كنش حالنا بقي كده
بس اللي عايزة اقوله ، جميل اووي اننا نحس بغيرنا و بيجي للانسان اللي قلبه مليان بالرحمه و حب الله
لكننا لازم نعمل شئ يدعم الاحساس دا
لازم احساسنا يتحول لفعل و ينتقل لارض الواقع
اللهم ارنا الحق حقا و ارزقنا اتباعه و ارنا الباطل باطل و ارزقنا اجتنابه
سعيده جداااا بمدونتك الرائعه
ايوة كدة اعرف اعلق :)
بصراحة ماشاء الله اول مرة اشوف حد اخد باله من النقطة دى
بجد ربط هايل وياريت اى حاجة زى كدة تفيدينا بيها
كله فكر فى نفسه ساعتها وفى المطر لكن محدش الا قليل اوى فكر زيك كدة
ربنا يحفظك
اللؤلؤه المكنونه....
شكرا ليكى يالوؤه انك فهتمنى
وجزاك الله خيرا على التعليق
_____________
بحر الدموع.......
بجد بجد بجد جزاك الله خيرا على المتابعه الجمييله دى لمدونتى المتواضعه
ويافندم غزه بل فلسطين كلها فى قلبنا
واجنا على طوول فاكرنكم
____________
خديجه.....
جزانا واياكم ياجمييل
احنا نيجى جمبكم حاجه ياباشا
شكرا ليكى ياجميل على المتابعه
____________
ريحانه.......
جزاك الله خيرا ليكى ياقمر على المتابعه
الف سلامه عليكى من الخضه
فعلا هو ممكن يكون عقاب او رساله
فاحنا المفروض نتعامل مع الموضوع من الجهتين
عشان نكون ضمنا
روح الاسلام.......
ايوه بصييت جاامد اهوه(هههه)
ايوه ياهند اتلائيكى كنتى بين شهيق وزفير و......
لا اكيد خطر فى بالك حاجه غيرنا خاالص بس ممكن ماتكونيش اخدتى باالك
_________
امير الهدوء......
المدونه نورت يافندم
وشكرا على اضافتك الجميييله
(ومنكم نستفيد)
واكييد ده افضل رساله
____________
سلمى عماد....
بصى اولا انا مبسووووطه جدا انك زرتى مدونتى المتواضعه وهاكون مبسوطه اكتر لو نادتينى بمريم
ثانيافعلا احنا لازم نطبق احسسنا ده على الواقع
عشان يكون فى اثر ايجابى عملناه
شكرا ليكى
___________
أ\عبد الله.....
حصل خير يافندم
والحمد الله ان حضرتك علقت بسلامه
واكيييد فى حاجه خطرت بباالكوا بس مش اخدتوا بالكوا
انا بس اللى ايدى سابقه اى حاجه
جزاك الله خيرا على التعليق
السلام عليكم ورحمة الله تعالي وبركاته
الاستاذة / مريم
موضوعك جميل
أجمل ما في الموضوع
هو التفكر
والتفكير في كل شئ
والتدبر في كل ما يحدث حولنا
،،،
أما شعورك الطيب
بأهلنا في غزة
فهو لا يوصف
واحساسك بالاطفال التي لا تجد مأوي
وغطاؤها السماء
،،،،
كل هذا يحتاج منا ايجابية
ولنعلم أن الموت قادم
علينا أن نموت بشجاعة
وفي سبيل شئ جميل
نُحمد عليه بعد رحيلنا
ولأن لا مفر من الموت
ولأنه ياتي فجأة
يجب أن نكون في أتم الاستعداد دائما
جزاكي الله كل خير
لا تنسينا بصالح دعواتك بظاهر الغيب
تحياتي
أ\محمد....
بجد بجد جزاك الله خيرا على المتابعة
وشكرا على تعليقك الجميل ده
وفعلالازم نموت بشجاعه
السلام عليكم
بجد جميل اوي البوست ده ومش كده وبس ده كمان تزكرة لينا عشان نفوق ونصحى شوية من اللي وصلناله
اشكرك جدا يا قمراية
تقبلي مروري
إرسال تعليق