السلام عليكم ياجماعه
انا عماله افكر اكتب ايه اكتب ايه
بعدين جه فى موقفبتاع الجروب وكتبت موضوع فيه )
ادبست يعنى
والتانى هنا(شغل استغلال بقى)هههههههههه
المهم.......
هاى ممكن نتعرف
الكلمه دى سمعناها كااااااااااااااااام مرة
وخصوصا على النت
وكتييير جدا اتقالوه الكلمه دى
بس انا بحس لما الجمله دى تتقال
بحس ان الشخص ده بيقول
هاى ممكن نعصى ربنا
اه بجد فعلاالجمله دى بتحمل المعنى ده
يعنى ايه معنى التعارف
هل التعارف ده بقى حاجه كده عااادى
*طبعا انا اقصد التعارف اللى موش شرعى*
يعنى حد يسمح لحد تانى انه يعرف اسراره او حاجات تخصه
تحت عنوان التعارف
يعنى عااادى خاالص لو واحد عرف اى حاجه عن واحده
او العكس
لا كمان عشان يحللوا اللى بيعملوه
يقولوا ده اخويا
ودى اختى
انه اخوه اللى تسمح بده؟؟؟
بالعكس الاخوه الصح هى اللى بتمنع الكلام ده كله
طب ممكن سؤال وياريت حد يجاوبنى عليه
ليه الشخص او الشخصه يلجئ للنوع ده من التعارف؟؟
لا وكمان لقيت واحده بتتكلم على الفيس بوك فى موضوع زى ده بتقول:
واييييييييييييييه يعنى لما يقعدوا ويتكلموا مع بعض!!!!!
بدل مافيش كلام خارج
يعنىالكلام عن خصوصيات اى طرف ده موش كلام خاارج
والمصيبه ان ده ممكن يكون اشتغاله من حد يعرفه او يعرفها
هايكون شكله او شكلها قدامهم؟؟
ودى بتحصل كتييييييييييييييير اليومين دوول
يااريت ناخد بالنا من الموضوع ده
ياريت ياجماعه نحاول نفهم الناس عن عدم شرعية الموضوع ده
وتقولوا لهم هو لو الرسول دخل عليك دلوقتى هيبقى ايه موقفك
لو رحت لربنا هاتعمل ايه
هاتقوول أخوة برضك
ياااااااااااااااااريت حد يقولى انا فاهمه غلط
ولا اييييييييه
ولو فى غلط قلته يااريت التنبيه
12 التعليقات:
بجد برافو عليكى يا مريم
انك طرحتى الموضوع ده
كتيير جداا بتحصل
والمشكلة ان الناس فاكراها حاجة عادية جدا
ايه يعنى لما ادردش مع اخويا فى الله زى مابيقولو
والمشكلة انك لما تيجى تكلمى صحابك فى موضوع زى ده تلاقيهم بيقولولك هوه احنا عملنا اييه عادى يعنى
وديه المشكلة
اننا بنستصغر ذنوبنا ....للأسف
وتحياتى اليكى
وتسلمين
كلامك صح ومهم جدا ياأمل الاسلام
بارك الله فيكِ وجزاكِ خيراً..
هاى ممكن نتعرف ياااااااااااااااااه
الجملة دى اتقالتلى كتييييييير..بجد
يامريم انا ماباكرهش حاجة فى الدنيا
أد مابكرة ان حد يقوللى عالميل ممكن
نتعرف أموت واعرف هانتعرف نقول ايه
يعنى..وللأسف هية بتبدأفى الأول بمجرد
تعارف لكن بعد كدة الموضوع بيتطور
فعلا يامريم انتى عندك حق فى كل حرف
قلتية ربنا يخليكى لينا ياجميل
ومايحرمناش من مواضيعك الحلوة دى أبدا
وتحياتى ليكى
وتسلمين
السلام عليكم
تعرفي أختي احيانا كان البعض يدخل على الايميل عندي كده ويقولي ممكن اتعرف بصير أفكر في هالكلمة ،
باعتقادي كلمة ممكن يلجأ الها من يفقد الثقة بنفسه ويجد النقص في شخصيته فيحاول اقتباس طباع من غيره او بمعنى اخر الهروب من شخصيته التي لا يعرف التأقلم معها ضمن المجتمع..
بارك الله فيكي اختي وجزاك الله الجنـة ..
لا تنسوا اخوانكم في غــزة من دعائكم
||..بحــر الدموع..||
لا لا لا لا
ايه التشدد ده يا أمل الإسلام
وإيه يعني لما اتنين يتعرفوا على بعض
ويخطوا اول خطوات الطريق إلى جهنم
يعني يرضيكي يروح لوحده يعيني
لالا لا ده تشدد
هههههههههه
نتكلم بجد بقى
هاي ممكن نتعرف
دي اول خطوة
عندك كام سنه
تاني خطوه
بتدرسي ايه
تالت خطوه
والكلام يكترررررر
بس انا عندي مشكله عايزه رايك فيها
رابع خطوه
أنا حلال المشاكل
خامس خطوه
طيب رقم تلفونك
سادس خطوه
وتيجي بقى تعيط هيه
ده مين اللي زعلني
سابع خطوه
هو بقى إزاي طيب بلاش تعيطي طيب
ويعيني قلبه يقع بين رجليه
ثامن خطوه
طيب نتقابل
انا برتاح لكلامك
انا مليش غيرك
تاسع غلطه
والخطوه العاشره
ربنا يستر
بس بعد الخطوه العاشره لو مش تاب ورجع عن ده
هيدخل في متاهه غلط خالص
^_^
تحياتي وإحترامي الشديد لكي
موضوعك مميز
سلام عليكم ورحمة الله
لو اتكلمنا باختصار حقولك كلامك كله صح
بس الموضوع في كلاااام كتيييييييييييييييير جدا جدا جدا
كنتي بتقولي انهم عشان يحللوا اللموضوع بيقولوا ده أخويا ودي أختي
أنا ضحكت بصراحة أول ما قرأت الجملة دي ... هما أصلا شاغلهم ده حرام ولا لا ؟؟
وغير كدة هو كدة مش بيحلل هو كدة بيضحك على نفسه
للأسف الصدق مع النفس مش منتشر خالص
محدش بيقف مع نفسه صح ويقول لنفسه عيوبه بكل جرأة
بالعكس بنتجرأ بالوحش
أنا خايف من كتر الذنوب نبقى زي ما الحديث بيقول
كالكوز مبخيا لا يعرف معروفا ولا ينكر منكرا إلا ما أشرب من هواه
يارب يحفظ الأمة كلها ويهدي الشباب كلهم
Special Designer
صحيح الكاريكاتير ده حاسس انني شوفته قبل كدة
(^_^)
معاك كل الحق يا مريمو وممكن اطلب طلب من كل اللي يقرا رسالتي "انا اعرف وحده تتكلم مع واحد على النت والبنت ده ظروفها صعبة جدا هي مع انها غلطانة بس هي ضايعية بين المشاكل اللي عندها"اتمنى تتدعولها
(هذه امانةعلى كل من يقرا التعليق)
ريحانة الاسلام....
شكرا شكرا ههههه
ايوه والله كلمة عادى دى بتضايقنى جداااااااا
وعلى فكرة مافيش حجاه اسمها اخويا فى الله وادردش معايا
الاخوه مكتوب عليها (جميع الحقوق محفوظه)
هههه
___________
miss a
جزانا واياكم ياجميل
شكرا على تعليقك الطوييييييييل اوى ده
خخخخخخخ
_________
روح الاسلام.....
ايوه الكلمة دى بأكرها موووووووووز
اه صحيح هيقولوا ايه!!!!
اكيد يعنى مش هيغنوا ظلموه هههه
__________
بحر الدموع....
وعليكم السلام ورحمة الله وبركاته
جزاك الله خيرا على التعليق الجميل ده
ايوه فعلا هو موضوع ثقة فى النفس
ولغتكم جميييله اوى بحبها جدا(الشامية)
_________
امير الهدوء.....
(ايه التشدد ده يا أمل الإسلام
وإيه يعني لما اتنين يتعرفوا على بعض)
اتخضيت على فكرةلما قريت الحتة دى)
هههههههههههههه
جزاك الله خيرا على المتابعه
وليا الشرف بتعليقاتك عندى يافندم
وفعلا هو ده اول الطريق لجهنم
وفعلا هما عشر خطوات بعشر غلطات
ويااارب نحاول ننصح جميع اللى نعرفهم ونقولهم على العشر خطوات دول يمكن ينفعونا يوم القيامه
تحياتى
__________
Special Designer
المدونة نورت
ايون بيضحك على نفسه
والوحد من كتر ما تجرأ
نسى ان فى ربنا وفى حساب
اما بالنسبة للكاركتير
فا انا سرقته الاول وبعدين اسـتأذنت miss a
هههههههه
___________
اللؤلؤة المجنونه......
يييييه قصدى المكنونه
لاحظى انك اخر تعليق مش هانسهالك دى
المهم منوره
ياااااااااارب اهديها يارب وجميع المسلمين
وبعدين مريمو ده على ماعتقد الناس لسه مش فكوا الشفره
هههههههههههههههههه
السلام عليكم
الموضوع اللي حضرتك طرحتيه مهم جدا وخطير
فهو موجود في الأيام دي وبكثره وأظن السبب حضرتك بساعدي فيه اللي هو
البطاله
ههههههههههههههه
الناس بقت فاضيه يعني دا لو واحد وراه شغل ومسئوليه تفتكري هيكون دا وضعه حتي الناس أو الشباب اللي في الكليات بيقولوا
يا عم أحنا نخلينا في الكليه كام سنه هو احنا يعني هنلاقي شغل وبرده بيبقوا فاضيين
وسعات بقي تسمعي كلام عن مواكبه العصر والعولمه والكلام الفاضي دا اللي دايما بيتفهم غلط وبيتنشر بمادئ غلط خالص
اللهم ارحمنا وانفعنا بما علمتنا وعلمنا ما نجهله يا ربنا
مدونه جميله
نفع الله بها الأسلام
جزاكم الله خيرا اختى الكريمة على المقال الجميل دا
ربنا يجزيكم كل خير ويجعلة فى ميزان حسناتكم ويرفع درجاتكم اللهم امين
إرسال تعليق