السلام عليكم بما انى لقيت ماشاء الله التعليقات كل مدى بتقل فقلت انزل حاجه خفيفه كده عشان الناس مش تتطفش ههههههه(بس برضك هقول موقفين نكد كده الاول وبعدين افكها)
الموقف الاول
كنا فى يوم فى مكان ما فكان فيه شجر كتيير (فى فصل لخريف)فاحنا كنا فرحانيين وعمالين نمسك فيه واللى وقع على الارض......الخوبعدين كان معان واحده كبيره فقالت:
شوفتوا الانسان زى ورقة الشجر دى تكبر تكبر وبعدين تقع على الارض ويبقى مش ليها اى فائده وتذبل كمان
فياترى احنا لما نكون مثل الورقه دى هيبقى لينا فايده ولا هنتنسى على طووول وكأن نحن لم نكن موجودين
______________________________الموقف التانى
كنا فى يوم فى حصة الدراسااات فكان الاستاذ بيشرح العدوان الثلاثى على مصرواسرائيل دخلت منين وانجلترا وفرنسا وكده يعنى
وبعدين فراح قايل اسرائيل كانت هنا ودخلت من هنا(على الخريطه)
وفى وسط الكلام راح قايل :اسرائيل ......فلسطين ساااابقا
طبعا هو ممكن ميكونش قاصده الكلمة دى
بس انا انضايقت اوى
بقت سهله علينا اوى نقول فلسطييين كاااااااااااااااانت
______________________________________
الموقف التالت
كنت فى يوم عند واحدة صاحبتى واقفه عند البوابة تحت وبعدين لاقيت *فأر*صغنطوط بييب امه
عاوز يدخل جوه البوابة فانا كنت واقفه ومرخمه عليه ومش عاوزاه يدخل اشوفه هايعمل ايه
دنتنى اضايقه شويه وفى الاخر دخلته
هو الفار تختوخ(تخين يعنى) فمكنش عارف يطلع السلم يطلع واحده ويقع التانيه)*زى الفار التخين بتاع سندريلا*
فالمهم وصل لحتة كده ودنه ياكل شويه وبعدين راح معدى من البوابه تانى وشق طرييقه
فقلت سبحـــ الله ــــــان
*طبعا لما قلت لصحبتى اللى كانت معايا طلعت تجرى
____________________________________
الموقف الرابع
طبعا التفوق ده بيجرى فى دمى فمكنتش بحفظ لاستاذ الا الفجر معاده الساعه 8الصبح
المهم تانى يوم رمضان اللى فات قمت احفظ بدرى خالص فسمعت صوت عربيه واقفه تحت بيتنا فقمت اشوف فى ايه من الشباك عشان محدش يشوفنى
فلقيت واحد عمال يحمل حاجات من عندنا *الدور الارضى*ويحطها فى العربيه
طبعا انا مخطرش على بالى انه حرامى عشان لقيتهم بيتكلموا عادى وكمان فى واحد جارنا كان واقف
فبعد مخلصت المشهد ده رجعت لمذاكرتى تانى والساعه 7كده بابا جه وقلت له اللى حصل
طبعا مش هاقول ايه اللى حصل عينكم ماتشوف الا النوروهو بيقولى دول حراميا
طبعا اللى ضايقنى فى الموضوع ده كله ان الحرامى وهو بيسرق مسرقش لازيت ولا طحينة(حاجات تبع المحل بتاع بابا)
ولا اى حاجه من اللى كان الممفروض يسرقها هههههههههههههه
بس طبعا الدنيا كلها بهدلتنى
_________________________________
الموقف الخامس
كان فى واحد اعرفه جاى يقولى ايه انا خرجت ورحت كلت ايس كريم وفى اربع بنات عاكسووونى وواحده قالت لى ايه القمر ده
مع ان عينه مش صفره ولا شعره اخضر
طبعا زى ماضحكت جدا زعلت على البنات دى
*وصلت ان البنات هى الللى بتعاكس الولاد *
__________________________________
الموقف السادس
كنت فى يوم ماشيه من حتة عندنا اسمها الساحه كنت بقالى كتير مش عديت عليها
فلاقيت محل جديد كبير فاتح ومعلق يافطه عليها صورة الريس ومكتوب عليها *قل اعملوا فسيرى الله عملكم*
طبعا ضحكت جاااااامد لان الراجل اكيد مش عاملها بالنيه اللى انا فهمت بيها
10 التعليقات:
السلام عليكم
شو أخبارك اخت أمل الإسلام.؟!
أسأل الله ان تكوني بأفضل حال وأحسن صحة
احنا حعلق على كل موقف من مواقفك فاسمحيلي
الموقف الأول :
الانسان سبحان الله يكبر ويكبر ويكبر ويشوف حاله انه كبر ، وأيام ولحظات بيلاقي نفسه في حفرة القبر ..
الموقف التاني :
بجد الموقف هذا أزعجني ، لكن أعتقد أننا قد تعودنا على مثل هذه المواقف ، فالجميع والقريب قبل البعيد قد تناسى فلسطين ويحاول جاهداً أن ينسى اهل فلسطين..وبالله المستعان
الموقف الثالت :
هذا ما عندي تعليق إله ..
بس ما تضايقي على الناس كتير..
وقولي الحمد لله على كل حال .
الموقف الرابع :
ههههه
والله انتي حكايتك حكاية .. يعني سرقوا البيت وانتي قاعدة بتدرسي وبتفكريهم عمال ..
صحبح نسيت انه التفوق بيجري في دمك، يعني لما الكتاب يكون في ايدك حتنسي كل شئ حولك..
الموقف الخامس :
للأسف هذا ما وصلنا إليه
فنسأل الله الثبات والسداد
الموقف السادس :
"بنياتكم ترزقون"
يعني لما الانسان يحب يعمل في هذه الآية المفروض انه يشوف ايه بيعمل حسني مبارك ويقول ونعم الأخلاق .؟!
معلش سامحينا علقت على كل موقف ،
ربنا يحفظك ويكرمك ويرزقك الفردوس الأعلى
لا تنسوا اخوانكم في غزة من دعائكم
||..بحـر الدموع..||
لا طبعا يا امل الاسلام
مش ممكن نزهق منك او ننفضلك
احنا نقدر يا قمر
تحياتى
بسمة
ههههههههه أكتر موقف ضحكنى يامريم
الموقف الرابع بتاع الحرامية دة قعدت
أتخيل موقف عمو وانتى بتقوليلة انك
شفتى الحرامية وهمة بيسرقوكو وقعدتى
تتفرجى عليهم عادى تلاقية ياعينى كان
هايتفجر منك للدرجة دى المزاكرة
شغلاكى لكن انتى عاوزة الصراحة
هاتلاقى الحرامى دة بيدعيلك ليل نهار
دلوقتى وبيقول ربنا يزود مزاكرتها
كمان وكمان ههههههههههههههه بجد يامريم حلوة أوى المواقف دى تسلم ايدك ياجميل
وتحياتى ليكى
وتسلمى
مواقف حلوة أوى
أختى امل الإسلام
وبالذات موقف التفوق
بدعوكى لحضور حفل نجاحى على إشراقة
اخوك محمد
السلام عليكم
جميلة جدا المواقف اللي انت كاتبها دي
ربنا يوفقك
بحر الدموع.....
انا زى الفل طول مانتوا كويسين
اكييييد اسمح ونص وتلت تربع
وشكرا لحضرتك على كل تعلييييييييييق
وبجد مرور حضرتك عندى فى مدونتى المتواضعه بيسعدنى جدااااااااا
_______________________
بسمة نور...
بسوومه منوره ياجميييل
جزاك الله خيرا على التعليق الرقيق ده
______________________
روح الاسلام....
اولا جزاك الله خيرا على متابعتك الدايمة عندى
وبعدين بانتى التفوق ده عندى زى السكينة فى الحيلاوه
هو فعلا بيدعيلى ومش كده بس لا ده جه سرق تانى من حوالى اسبوع هههه
_____________________
أ\محمد شعير......
الف مليون مبروك على النجاح اولا
وشكرا لحضرتتك جدا ععلى تعليقك عندى
_____________________
مصعب صلاح...
وعليكم السلام
المدونة نورت
اللهم امين احنا وانتم ياارب
واد ايه انا سعيده بتعليقك عندى
^_^ مواقف كلها جميله
بس اللي ضحكت عليه موقف الفار
ههههههههه
اه البنر جميل جداا
^_^
تحياتي
ما شاء الله
بوست جااااااااااااااااااااامد
مش عارفة اقولك بجد مواااااقف جاامدة
والصراحة موقف الشجرة اثر فيا اوى
فعلا الانسان ده مخدووووع
فاكر ان الحياة باقية
بس
للاسف كلنا بننسى ان نهايتنا الموت
.........
وعلا فكرة يا مريم موقف الحرامى ده خطيييييييييير جااااامد
كل لما افتكره افطس على نفسى من الضحك
الله يخرم جيبه
ههههههههههههه
وتحياتى اليكى
وتسلمين
السلام عليكم
ازيك يا مريومة يا حبيبتى
فعلا ما شاء الله مواقف تتحسب
و فعلا ان احنا نقول ان اسرائيل كاااااااااااااااااااااانت فلسطين دى بقت سهلة اوى لان الناس كلها خلاص باعوا القضية
و بعدين يا مريم لما لقيتى البيت بيتسرق كونتى اتكلمى هههههههههههههههههه
تحياتى
انى احبك في الله
امير الهدوء....
اولا جزاك الله خيرا على المتابعة اللى بتزيدنى شرف
ثانيا طبعا مش عاوزة اقول موقف الفار ده فيين *لمؤاخذه ياهند*هههههه
بس الحمد لله انه صغير لانى بترعب من خيالى ومابالك من فار
_________________________
ريحانة.......
شكرا ليكى ياقممرووووووووووز
وعلى تعليقك الجميل ده
وطبعا دى مش تيجى حاجه قدام مواقفك ياباشا
_________________________
خووووووووخة.....
والله مش تصدقى اد ايه فرحتى لما شفت تعليقك
ايون كاااااانت ربنا يفوقنا بقى
ماهو انا مكنتش اعرف انه حرامى خخخخخخخخ
تحياااتى ياقمر
احبك الله الذى احببتنى فيه
إرسال تعليق